प्रदेश म एक दिन म सामने आय हे कोरोना के 478 नवा मामला

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।

राज्य म गुरुवार देर रात कोरोना के 70 अउ नवा मामला मिले हे। उहचे दू अउ लोगन मन के इलाज के दौरान जान चले गे हे।

आज देर रात जेन कोरोना (corona) के नवा मरीज मन के पहचान होय हे, ओमा रायपुर ले 44, बिलासपुर ले 14, राजनांदगांव ले 2, दुर्ग ले 2, बेमेतरा, महासमुंद, कोरिया, सूरजपुर, कांकेर अउ आन राज्य ले 1-1 मरीज शामिल हे। एखर संग प्रदेश म गुरुवार के कुल 478 कोरोना संक्रमित मरीज मन के पहचान होय हे।

बता देन कि प्रदेश म कोरोना (corona) संक्रमित मरीज मन के कुल संख्या ह 14030 पहुंच गे हे। जेमा ले 4255 एक्टिव मामला हे।

उहचे 9658 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म 117 लोगन मन के मौत हो गे हे।