Corona: प्रदेश म बीते 24 घंटा म सामने आय हे 482 नवा मरीज, राजधानी म घलो 94 पाजिटिव

जय जोहार…. (Corona) छत्तीसगढ़ म पिछिले 24 घंटा म कोरोना के 482 नवा मामला के पहचान होय हे। उहचे 432 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 9 मरीज के मौत हो गे हे।

प्रदेश म कोरोना (Corona) के जेन नवा मरीज मिले हे, ओमा रायपुर ले 94, दुर्ग ले 64, जांजगीर-चांपा ले 52, बिलासपुर ले 49, राजनांदगांव अऊ रायगढ़ ले 30-30, धमतरी अऊ बलौदाबाजार ले 19-19, महासमुंद ले 16, सूरजपुर ले 14, सरगुजा ले 13, बेमेतरा ले 12 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 2 लाख 97 हजार 108 हो गे हे। जेमा ले 4896 एक्टिव मामला हे। उहचे 2 लाख 88 हजार 582 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3630 लोगन मन के मौत हो गे हे।