corona : प्रदेस म आज मिले हे कोरोना के 482 नवा मरीज, रईपुर म घलो 22 पॉजिटिव

जय जोहार…. (corona) छत्तीसगढ़ म आज कोरोना के 482 नवा मरीज सामने आय हे। उहें 852 मरीज ह कोरोना न मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 7 मरीज के जान चले गे हे।

प्रदेस म आज जेन कोरोना (corona) के नवा मरीज मिले हे, ओमा रायगढ़ ले 16, रईपुर ले 22, बलौदाबाजार ले 19, जांजगीर-चांपा ले 18, सूरजपुर ले 10, सरगुजा ले 16, कोरबा ले 15, बलरामपुर ले 17, बिलासपुर ले 4, जशपुर ले 17, मुंगेली ले 3, कोरिया ले 33, महासमुंद ले 8, कांकेर ले 7, दुर्ग ले 12, बस्तर ले 45, राजनांदगांव ले 9, गरियाबंद ले 6, बालोद ले 16, गौरेला-पेंड्रा-मरवाही ले 7, कबीरधाम ले 3, धमतरी ले 21, बेमेतरा ले 7, कोंडागांव ले 17, दंतेवाड़ा ले 29, सुकमा ले 32, बीजापुर ले 59, नारायणपुर ले 13 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 9 लाख 91 हजार 653 हो गे हे, जेमा ले 8 हजार 007 एक्टिव मामला हे। उहें 9 लाख 70 हजार 244 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13402 मरीज के मौत हो गे हे।