corona: सरलघा बाढ़त जावत हे कोरोना संक्रमित, देश म 24 घंटा म 48 हजार ले जादा नवा मरीज

जय जोहार…. देश म कोराना (corona) संक्रमण के मामला ह कम होय के नाम नई लेवत हे। पिछिले 24 घंटा में कोरोना के 48916 नवा मामला मिले हे। ए दौरान 757 लोगन मन के मौत हो गे हे।
केन्द्रीय स्वास्थ्य अउ परिवार कल्याण मंत्रालय के तरफ ले जारी आंकड़ा के अनुसार देश म कोरोना (corona) संक्रमित मरीज मन के कुल संख्या ह 13 लाख 36 हजार 861 पहुंच गे हे। जेमा ले एक्टिव मामला ह 4 लाख 56 हजार 71 हे। उहचे 8 लाख 49 हजार 432 लोगन मन ह कोरोना (corona) ले जंग जीत गे हे, जेखर बाद ओ मन ल डिस्चार्ज कर दे गे हे। ए वायरस ले देश म अब तक 31358 लोगन मन के जान चले गे हे।