corona : राज्य म फेर मिलिस कोरोना के 49 नवा मरीज, अब सक्रिय मामले ह 697

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म सनिच्चर के कोरोना के 49 नवा मरीज मिले हे। स्वास्थ्य विभाग के मुताबिक जिला जांजगीर ले 25, रायगढ़ ले 7, बलरामपुर ले 6, नारायणपुर ले 4, सुकमा ले 3, कोरबा ले 2, रायपुर अऊ बिलासपुर ले एक-एक मरीज सामने आय हे।
आज पाय गे सब्बो पाजिटिव मरीज मन ल अस्पताल म भर्ती करे के प्रक्रिया ह चलत हे। ऊहचे 63 मरीज मन ह कोरोना ल मात दे दे हे। जेखर बाद ओ मन ल प्रदेश के अलग-अलग अस्पताल ले छुट्‌टी दे दे गे हे।

छत्तीसगढ़ म कोरोना (corona) वायरस के कुल 123983 संभावित व्यक्ति मन के पहचान कर सैम्पल जांच करे गे हे। अभी तक 2076 कोरोना (corona) संक्रमित मरीज मन के पहचान होय हे। जेमा ले 1368 मरीज मन ह स्वस्थ होय के बाद अपन घर लहुट चुके हे। वहीं सक्रिय मामले के संख्या ह 697 हो गे हे।