ठगा गिस 49 हजार बेचारा , घर के सामान बेचे बर ले रिहिस आनलाइन के सहारा

जय जोहार रायपुर… घर के पुराना सामान ल आनलाइन बिक्री करे के नाम म 49 हजार ठगी करे के मामला सामने आइस हे। शिवानंद नगर निवासी राजपाल मौर्या ह खमतराई थाना म रिपोर्ट दर्ज कराइस हे कि वो ह एक आनलाइन वेबसाइट म सामान बिक्री करे बर विज्ञापन दे रहिस। एखर बाद ओला एक फोन आइस अउ वो व्यक्ति ह भुगतान आनलाइन करे बर ओटीपी भेजिस हे।

प्रार्थी के ओटीपी ल बतात ही ओखर बैंक खाता ले 10-10 हजार तीन बार अउ 19 हजार रूपिया एक बार कुल 49 हजार रूपिया अज्ञात ठग ह ठग लिस। पुलिस ह धारा 420 के तहत मामला दर्ज कर आरोपी के तलाश शुरू कर दे हे।