Corona: देश म 24 घंटा म सामने आय हे कोरोना के 49 हजार ले जादा नवा मामला

जय जोहार…. देश म कोरोना (Corona) संक्रमित मरीज मन के संख्या ह कम होय के नाम नई लेवत हे। देश म कोरोना संक्रमित मन के कुल संख्या ह 14.35 लाख ले जादा हो गे हे।

पिछिले 24 घंटा म कोरोना (Corona) के 49931 नवा मामला ह सामने आय हे। ए दौरान 708 लोगन मन के मौत हो गे हे।
केन्द्रीय स्वास्थ्य मंत्रालय के मुताबिक देश म कोरोना संक्रमित मरीज मन के कुल संख्या ह 14 लाख 35 हजार 453 पहुंच गे हे। जेमा ले सक्रिय मामला ह 4 लाख 85 हजार 114 हो गे हे।

उहचे 9 लाख 17 हजार 568 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले 32771 लोगन मन के मौत हो गे हे।