5 नक्सली मन ह भेदभाव के सेती छोड़िस माओवाद के दामन

सुकमा। जिला म गुरुवार के सीआरपीएफ के कमांडेंट प्रवीण कुमार सिंह के समक्ष 5 नक्सली मन ह आत्मसमर्पन करिन हे। एमा एक वारंटी नक्सली घलो सामिल हे। ए जानकारी कमांडेंट प्रवीण कुमार सिंह ह दीस।  उमन बताइन के इमन के सरेंडर करवाय म सीआरपीएफ के 74वीं बटालियन के विसेस योगदान हवय।  ए माओवादी मन उपर कतको थाना म संगीन जुर्म दरज हे। इखर तीर ले हथियार घलो सुरक्षाबल ल मिले हे।

आत्म समर्पन करइया माओवादी मन कहिन के आंध्र प्रदेश के नक्सली छत्तीसगढ़ के लोगन के सोसन करतहवय। राज्य म वसूली कर गे लेवी ल लेके आंध्र प्रदेस चले जाथे।  एखर अलावा उहां के लोग मन ल अच्छा-अच्छा पद मन म रखे जाथे।  जबके इहां जादा ले जादा काम करइया लोगन मन छोटे- मोटे पद मन म रही के ही संतोस करे बर पड़थे। एखर अलावा महिला माओवादी म संग अनाचार जइसे  घटना घलो एक प्रमुख कारन हे।  इमन ह सरकार के कल्याणकारी नीति के जानकारी मिले म खुद ले समाज के मुख्यधारा म  जोड़े के नीयत ले अइसे काम करे सोचे हे। अधिकारी मन कहिना के उमन ल सरकार  ह देय तमाम हितलाभ तत्काल प्रभाव ले देए जाही।