5 वीं विधानसभा के अध्यक्ष चुने गिस डॉ. चरणदास महंत ला

रायपुर। डॉ. चरणदास महंत ला सर्वसम्मति ले छत्तीसगढ़ के 5 वीं विधानसभा के अध्यक्ष चुने गिस हे।  राज्य के तीन परमुख  दल के प्रतिनिधि मन ह  उंखर नाम म सहमति जताइस हे। डॉक्टर चरणदास महंत सक्ती विधानसभा सीट ले कांग्रेस के विधायक हवय। एखर पहिली उमन मनमोहन सिंह के मंत्री मंडल म खाद्य एवं प्रसंस्करण राज्य मंत्री घलो रह चुके हवय। उहें अविभाजीत मध्यप्रदेश  म गृह, आबकारी मंत्री के पद म आसीन रहे हवय।

डॉ. महंत ल सियासत विरासत म मिले हे। उंखर पिता डॉ. बिसाहू महंत आजीवन विधायक रहिन। उमन ल अलग-अलग विधान सभा क्षेत्र ले 6 बेर विधायक चुने गेहे।  डॉ. महंत के खासियत ए हे के उमन सब ल साथ लेके चलथे। एखर पहिली उमन  छत्तीसगढ़ पीसीसी के अध्यक्ष घलो रह चुके हवय। डॉ. महंत ल  छत्तीसगढ़ म एक बड़े जनाधार वाले नेता के रूप म जाने जाथे।