तीन विधानसभा क्षेत्र म 51 कार्य बर होइस 5.72 करोड़ रूपिया स्वीकृत

जय जोहार…. मुख्यमंत्री सुगम सड़क योजना के तहत तीन विधानसभा क्षेत्र म 51 कार्य बर पांच करोड़ 72 लाख 51 हजार रुपिया के मंजूरी प्रदान करे गे हे। ए योजना ल प्रदेश के पहुंच विहीन सब्बो शासकीय भवन ह पक्का रद्दा ले मुख्य मार्ग ले जुड़ही।
प्रमुख अभियंता के तरफ ले भरतपुर-सोनहत विधानसभा क्षेत्र म 14 कार्य बर एक करोड़ 85 लाख 52 हजार रपिया, खुज्जी विधानसभा क्षेत्र म 22 कार्य बर एक करोड़ 65 लाख 99 हजार रूपिया के स्वीकृति दे गे हे। एखर संग कुनकुरी विधानसभा क्षेत्र म 15 कार्य बर 2 करोड़ 21 लाख रूपिया स्वीकृत करे गे हे।
एखर पहिले धरसींवा विधानसभा क्षेत्र म 19 कार्य बर एक करोड़ 36 लाख 34 हजार रूपिया, डोंगरगढ़ विधानसभा क्षेत्र म 11 कार्य बर एक करोड़ 27 लाख 38 हजार रुपिया, खैरागढ़ विधानसभा क्षेत्र म 7 कार्य बर 97 लाख 13 हजार रूपिया के स्वीकृति दे गे रिहिस।