पांच साथी के संग मिलके पति ह करिस पत्नी के निर्मम हत्या, आरोपी गिरफ्तार

कवर्धा. तारोमोड़ गांव के सरोधा बांध के पास ऑक्सीजोन म मिले महिला के लाश के गुत्थी ल पुलिस ह सुलझा ले हे. मामला म पुलिस ह मृतका के पति संग 5 आरोपी ल गिरफ्तार करिन हे. आरोपी शेखराम कौशिक के संग ही घोठिया गांव के अशवन कुमार चंदेल, मिथलेश बघेल, कुश भटपहरी, लवकुश कौशिक हरे.

अइसन जानकारी मिले हंवय कि सरोधा बांध के पास 12 जुलई के एक महिला के शव मिले रिहिस. वो महिला के सिर ल पत्थर से कुचर दे रहीस. पुलिस ह मामला दर्ज कर जांच पड़ताल म जुटे रिहिन. इही दउरान मृतका के पहचान करूणा यादव गांव नाहंदा, जिला बालोद के रूप म होईस. एखर बाद पुलिस ह मृतका के बारे म पतासाजी करिन त ये जानकारी मिलिस की मृतका ह अपन घर वाले के मर्जी के खिलाफ  4-5 महीना पहिली कवर्धा निवासी शेखराम कौशिक ले बिहाव करे रहीस. इही जानकारी ल आधार बना के पुलिस ह उंखर पति शेखराम कौशिक ल हिरासत म लेके पूछताछ करिन त वो ह अपन 5 झन साथी के संग मिल के पत्नी करूणा यादव के हत्या करना कबूल करिस। करूणा के सिर म वजनदार पत्थर ले वार कर ये घटना ल अंजाम देके ओखर पहचान छुपाए बर पत्थर ले अउ दू-तीन बार ओखर सिर ल कुचर के लाश ल झाड़ी के पाछू म फेंक के भागे रहिस.