रायपुर. प्रदेश म लोकसभा चुनाव के मद्देनजर निगरानी दल मन ह अवैध गतिविधियों अउ परिवहन म कड़ा निगरानी रखत हे. ये सिलसिला म शनिवर के बलौदाबाजार-भाटापारा जिला म आबकारी विभाग ल बड़का कामयाबी मिलिस हे. आबकारी विभाग ह इहां 150 लीटर अवैध शराब अउ नौ हजार किलोग्राम महुआ लाहन जब्त करिस हे. अवैध शराब पैकिंग करे के साजो-सामान समेत बड़े मात्रा म पाउच अउ पॉलीथिन म भरे शराब घलो बरामद करे गे हे.
आबकारी विभाग के अधिकारी मन ह बताइन के, कसडोल वृत्त के गश्ती दल ह जांजगीर-चांपा जिला के सरहद ले लगे महानदी अउ जोंक नदी के सीमा म छापामार शैली म कार्रवाई करिन. गश्ती दल ह अवैध कारोबार ले जुड़े संदिग्ध स्थान घटमड़वा अउ हसुवा बलौदा सबरिया डेरा म 150 लीटर अवैध हाथ भट्टी शराब अउ नौ हजार किलोग्राम महुआ लाहन बरामद करिस हे. दल ल पॉलीथिन अउ प्लास्टिक पाउच म भरे शराब धलो मिलिस हे. महानदी ले लगभग 200 मीटर दूर नहर के जरिए पानी ले जाके येखर इस्तेमाल अवैध शराब बनाए म करे जात हे. शराब पैक करे के अउजार अउ सामग्री घलो टीम ह बरामद करिन.
Other Articles
पीएम मोदी के 6 अप्रेल के छत्तीसगढ़ म पहिली चुनावी दउरा
लाखों रुपिया के स्कॉलरशिप घोटाला म सहायक आयुक्त सस्पेंड
