chhattisgarh म खुलही 50 नवा एकलव्य आवासीय विद्यालय, हरेक स्कूल म छटवीं ले बारहवीं तक के 420 लईका मन ल मिलही प्रवेश
जय जोहार । (chhattisgarh) मुख्य सचिव अमिताभ जैन ह राज्य म खोले जावत एकलव्य विद्यालय म छात्र के सुविधा म विशेष ध्यान दे के निर्देश विभागीय अधिकारी ल देहे । मुख्य सचिव ह अधिकारी ले किहीन कि एकलव्य विद्यालय अइसे सुगम स्थान म स्थापित करे, जिहां छात्र ल आय जाय म असुविधा नई हो। मुख्य सचिव ह जिला कलेक्टर ल निर्देश देहे कि विद्यालय जहां स्थापित किये जावत हे उहां भूमि बर सबो जरूरी औपचारिकता ल पूरा करवाये।
गौरतलब हे कि भारत शासन डहार ले छत्तीसगढ़़ (chhattisgarh) म 50 नवा एकलव्य विद्यालय अदिवासी क्षेत्र म स्वीकृत करे गेहे । ए आवासीय विद्यालय म कक्षा 6वीं ले 12वीं तक के लईका शिक्षा प्राप्त करही । हरेक विद्यालय म 420 लईका मन ल शिक्षा प्रदान करे के प्रावधान हे । मुख्य सचिव ह आज वीडियो कॉन्फ्रेंसिंग ले एकलव्य विद्यालय के संबंध म अधिकारी मन के समीक्षा बइठक लीन ।
बइठक म अनुसूचित जाति जनजाति विकास विभाग के अधिकारी मन ह बताइन कि छत्तीसगढ़ म 50 एकलव्य विद्यालय के स्थापना करे जाही, एमा बलरामपुर जिला म ग्राम बरतीकला, रामनगर, देवीगंग, दोहना अउ बुड़ा बगीचा (नवापारा) म एकलव्य विद्यालय स्थापित करे जात हे। अइसने बीजापुर म नुकनपाल, रूद्राराम अउ दुगईगुड़ा अउ गौरेला-पेण्ड्रा-मरवाही म लाटा अउ नेवसा पेण्ड्रारोड़ म एकलव्य विद्यालय खोले जात हे ।
बस्तर म मेटावाड़ा कोयेपाल, गोटिया, कोडेनार, छिंदावाड़ा, दंतेवाड़ा म मेटापाल, हारम अउ कुआकोण्डा म एकलव्य विद्यालय खोले जात हे। गरियाबंद म गिरहोला, जशपुर म घोलेंग, रैरूमाकला (सुखरापारा), धुंधरूडांड, कर्दना अउ पण्डरीपानी म एकलव्य विद्यालय खोले जात हे। कोण्डागांव जिला म बेड़मा, कोरगांव, शामपुर अउ चिचाड़ी, कोरबा जिला म लाफा अउ रामपुर म एकलव्य स्कूल खुलही ।
