corona : प्रदेस म बीते 24 घंटा म सामने आय हे कोरोना के 5029 नवा मरीज
जय जोहार… (corona) प्रदेस म बीते 24 घंटा म कोरोना के 5029 नवा मरीज सामने आय हे। उहें 6001 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 8 मरीज के मउत हो गेहे।
बता देन कि प्रदेस म कोरोना (corona) संक्रमित मरीज मन के संख्या 10 लाख 86 हजार 207 होगे हे, जेमा ले 30756 एक्टिव मामला हे। उहें 10 लाख 41 हजार 746 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13705 मरीज के जान चले गेहे।
प्रदेस म बीते 24 घंटा म जेन कोरोना (corona) के नवा मरीज मिले हे, ओमा दुर्ग ले 712, राजनांदगांव ले 278, बालोद ले 113, बेमेतरा ले 57, कबीरधाम ले 82, रईपुर ले 1183, धमतरी ले 147, बलौदाबाजार ले 65, महासमुंद ले 57, गरियाबंद ले 26, बिलासपुर ले 337, रायगढ़ ले 369, कोरबा ले 175, जांजगीर-चांपा ले 169, मुंगेली ले 24, गौरेला-पेंड्रा-मरवाही ले 26, सरगुजा ले 204, कोरिया ले 134, सूरजपुर ले 67, बलरामपुर ले 33, जशपुर ले 148, बस्तर ले 185, कोंडागांव ले 136, दंतेवाड़ा ले 40, सुकमा ले 17, कांकेर ले 169, नारायणपुर ले 21, बीजापुर ले 55 नवा मरीज सामिल हे।
