chhattisgarh म बीते 24 घंटा म मिले हे कोरोना के 52 नवा केस

जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म बीते 24 घंटा म कोरोना के 52 नवा मामला मिले हे । जबकि 28 मरीज ल ठीक होए के बाद ओमन ल डिस्चार्ज कर दे गेहे।

प्रदेस म आज कोरोना के जेन नवा मरीज मिले हे, ओमा राजनांदगांव ले 10, रायपुर ले 15, धमतरी ले 1, महासमुंद ले 1, बिलासपुर ले 12, कोरबा ले 3, गौरेला पेंड्रा मरवाही ले 1, सरगुजा ले 1, सूरजपुर ले 2, बलरामपुर ले 2, दंतेवाड़ा ले 4 मरीज सामिल हे।

बता देन कि प्रदेस म कोरोना मरीज के कुल संख्या 11 लाख 78 हजार 410 हो गेहे। जेमा ले 466 एक्टिव मामला हे । जबकि 11 लाख 63 हजार 794 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14150 मरीज के मउत हो गेहे।