Corona: राजधानी म फेर मिलिस कोरोना के 52 नवा मरीज, 35 मरीज मन ह होइस डिस्चार्ज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राजधानी म आज कोरोना संक्रमित 52 नवा मरीज के पहचान होय हे। सब्बो संक्रमित मरीज मन ल कोविड अस्पताल म भर्ती करे के प्रक्रिया ह जारी हे। ऊहचे 35 मरीज मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

बता देन कि राजधानी म कोरोना (corona) संक्रमित मरीज मन के कुल संख्या ह 571 पहुंच गे हे। जेमा ले सक्रिय मामले के संख्या ह 282 पहुंच गे हे। ऊहचे 287 लोगन मन ह बने होय के बाद अपन घर लहुट चुके हे। ए वायरस ले अब तक दू लोगन मन के मौत हो गे हे।