प्रदेश म मनरेगा ले 56 हजार परिवार मन ल मिले हे सौ दिन के रोजगार
जय जोहार…. कोरोना वायरस संक्रमण ले सुरक्षा बर लॉकडाउन के सती आन स्थान ले आय श्रमिक मन ल घलो मनरेगा के तहत रोजगार ल उपलब्ध कराय जावत हे। राज्य के 27 जिला म मनरेगा के तहत वर्ष 2020-21 म अब तक 55981 परिवार मन ल सौ दिन के रोजगार उपलब्ध कराय गे हे।
कबीरधाम जिला ह सबले जियादा परिवार मन ल 100 दिन के रोजगार दे म राज्य म पहला स्थान म हे। इहां 6139 परिवार मन ल सौ दिन के रोजगार दे गे हे।
कलेक्टर रमेश कुमार शर्मा ह बताइस कि एक ओर जिहां शहरी क्षेत्र म रोजगार के अवसर ह कम रिहिस, त ऊहचे दूसर ओर ग्रामीण क्षेत्र म रोजगार गारंटी योजना ले सरलघा काम मिलत रिहिस।
तालाब, डबरी, कुंआ, सड़क, मिट्टीकरण जइसे हितग्राही मूलक कार्य ले ग्रामीण बड़ अकन लाभान्वित होइस। एखर सती चालू वित्ती वर्ष के अप्रैल, मई अउ जून महिना के दौरान ग्रामीण मन ल रोजगार दे गे हे।
जिला म वर्ष बर लगभग 77 लाख मानव दिवस के लक्ष्य रखे गे रिहिस। जेखर विरुद्ध ए वित्तीय वर्ष के तीन महिना म ही 63 लाख ले जियादा के मानव दिवस रोजगार के सृजन करे ले गे हे।
जेन ह लक्ष्य के 82 प्रतिशत हे। अइसने अवइया समय म मनरेगा के तहत लक्ष्य ले अउ जियादा ग्रामीण मन ल रोजगार ह मिल सकही।
