corona: देश म बीते 24 घंटा म कोरोना के रिकॉर्ड 56 हजार ले जादा नवा मामला, 904 लोगन मन के हो गे मौत

जय जोहार… देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म कोरोना के रिकॉर्ड 56282 नवा मामला सामने आय हे। ए दौरान 904 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मन के कुल संख्या ह 19 लाख 64 हजार 537 पहुंच गे हे। जेमा ले 5 लाख 95 हजार 501 एक्टिव मामला हे,

जेखर अलग-अलग कोविड अस्पताल म इलाज चलत हे। उहचे 13 लाख 28 हजार 337 लोगन मन ह कोरोना (corona) ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 40699 लोगन मन के मौत हो गे हे।