corona: प्रदेस म 24 घंटा म सामने आय हे कोरोना के 579 नवा मरीज, पढ़व
जय जोहार… (corona) प्रदेस म 24 घंटा म कोरोना के 579 नवा मरीज सामने आय हे। उहें 860 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 5 मरीज के मउत हो गेहे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 53, राजनांदगांव ले 17, बालोद ले 6, बेमेतरा ले 2, कबीरधाम ले 18, रायपुर ले 56 , धमतरी ले 38, महासमुंद ले 10, गरियाबंद ले 4, बिलासपुर ले 33, रायगढ़ ले 28, कोरबा ले 38, जांजगीर-चांपा ले 18, मुंगेली ले 2, गौरेला-पेंड्रा-मरवाही ले 11, सरगुजा ले 41, कोरिया ले 1, सूरजपुर ले 45, बलरामपुर ले 62, जशपुर ले 13, बस्तर ले 11, दंतेवाड़ा ले 4, कांकेर ले 19, बीजापुर ले 49 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 46 हजार 273 होगे हे, जेमा ले 7909 एक्टिव मामला हे। उहें 11 लाख 24 हजार 358 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14006 मरीज के जान चले गेहे।
