dhamtari जिला म मिले हे कोरोना के 58 नवा मामला, 36 मरीज ह जीतिस कोरोना ले जंग

जय जोहार…. धमतरी (dhamtari) जिला म बीते 24 घंटा म कोरोना के 58 नवा मरीज के पहचान होय हे। उहचे 36 मरीज मन ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान एक संक्रमित के मौत हो गे हे।

जिला स्वास्थ्य समिति धमतरी (dhamtari) के तरफ ले जारी आंकड़ा के मुताबिक आज धमतरी शहरी ले 20, कुरुद ब्लाक ले 15, गुजरा ले 12, नगरी ब्लाक ले 6 अऊ मगरलोड ब्लाक ले 5 नवा संक्रमित के पहचान होय हे।

बता दन कि धमतरी (dhamtari) जिला म कोरोना संक्रमित मन के संख्या ह बाढ़ के 2809 हो गे हे। जेमा ले 561 एक्टिव मामला हे। उहचे 2203 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले जिला म 45 लोगन मन के मौत हो गे हे।