corona: प्रदेश म बीते 24 घंटा म मिले हे 594 नवा मरीज, रायपुर म घलो 126 पाजिटिव

जय जोहार…. (corona) छत्तीसगढ़ म पिछिले 24 घंटा म कोरोना के 594 नवा मरीज के पहचान होय हे। उहचे 491 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 संक्रमित मन के मौत हो गे हे।

राज्य म बीते 24 घंटा म कोरोना (corona) के जेन नवा मरीज मिले हे, ओमा रायपुर ले 126, दुर्ग ले 61, बिलासपुर ले 48, रायगढ़ ले 47, जांजगीर-चांपा ले 39, राजनांदगांव ले 37, धमतरी ले 33, कोरबा ले 27, महासमुंद ले 26, सरगुजा ले 21, जशपुर ले 15, बालोद अऊ कोरिया ले 14-14, कोंडागांव अऊ बलौदाबाजार ले 13-13, सूरजपुर ले 11 मरीज सामिल हे।

बता देन कि प्रदेश म कोरोना (corona) संक्रमित मन के संख्या ह 2 लाख 94 हजार 949 हो गे हे। जेमा ले 5798 एक्टिव मामला हे। उहचे 2 लाख 85 हजार 566 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3585 लोगन मन के मौत हो गे हे।