जय जोहार…. रायपुर (Raipur) पुलिस ह चलत कार म आईपीएल के सट्टा खेलावत आरोपी मन ल गिरफ्तार करे हे। आरोपी मन ह कोलकाता नाईट राइडर्स अऊ सनराइजर्स हैदराबाद मैच के दौरा सट्टा खेलवात रिहीस। ये कार्रवाई ल रायपुर के सायबर सेल अऊ तेलीबांधा थाना पुलिस ह करे हे।
मिले जानकारी के मुताबिक (Raipur) 26 सितंबर के पुलिस ल मुखबिर से सूचना मिलिस कि कोलकाता नाईट राईडर्स अऊ सनराईजर्स हैदराबाद के बीच चलत मैच म कुछु व्यक्ति ह क्रेटा वाहन म सवार हो के घूम-घूम के क्रिकेट सट्टा के संचालन करत हे।
ये वाहन ह दुर्ग ले रायपुर के ओर आवत हे। जेमा थाना प्रभारी तेलीबांधा के टीम ह तुरंत रवाना हो के वाहन अऊ ओमा सवार व्यक्ति मन ल उद्योग भवन तेलीबांधा के पास पकड़ लिस।
वाहन के अंदर चार लोगन मन ह सवार रिहिन, जेखर करा ले हाईटेक तरह ले लैपटाप, जेमा 17 मोबइल लगे रिहिन अऊ आन मोबाइल फोन ले लाईन लेके क्रिकेट सट्टा के संचालन करे जावत रिहीस।
ए दौरान (Raipur) पुलिस ह आरोपी अविनाश दौलतानी, विजय परपयानी, नवीन चावला, अऊ निखिल गोविंदानी ल गिरफ्तार कर ले हे। आरोपी मन करा ले 55800 रुपया नगद बरामद करे गे हे।
Other Articles
corona संक्रमण ले सरपंच के हो गे मौत, अस्पताल म रिहिस भर्ती
