घर म मिलिस युवती के 6 दिन पुराना शव, दुर्गन्ध आए के बाद लोगन मन ल चलिस पता

रायपुर. राजधानी के सरस्वती नगर थाना इलाका कोटा पानी टंकी के पास एक घर म मंगलवार के एक युवती के शव मिले ले क्षेत्र म सनसनी फैल गे.सूचना पर मौका म पहुंचे पुलिस ह मर्ग कायम कर शव ल पोस्टमार्टम बर भेज दीन हे. मृतका का नाम रोमिन भुआर्य हे, जेन ह देवरी जिला बालोद के रहीस.

मृतका ह सुयश अस्पताल म नर्सिंग स्टॉप रिहिन अउ कोटा पानी टंकी के पास किराया के घर म रहत रहीस. वो ह 2 जुलई ले तबीयत खराब रहे ले छुट्टी में रिहिस हे. मंगलवार के मंझनिया जब कमरा ले बदबू आए लगीस त घर मालिक ह एखर सूचना पुलिस ल दीन हे. मौका म पहुंचे पुलिस ह देखीन कि घर के कपाट ह बाहर ले बंद हे, वो मन ह कपाट ल खोल क अंदर जाके देखीन त कमरा म युवती के लाश पड़े रिहिस. लाश ह 5-6 दिन पुराना बताए जाथ हे. युवती के मउत कैसे होईस एखर जानकारी नई हो पाए हे.