Gariaband: जुआ खेलत 6 जुआरी मन ल पुलिस ह करिन गिरफ्तार, सवा लाख रूपया नगद होइस बरामद

जय जोहार…. (Gariaband) घर के बाहर जुआ खेलत 6 जुआरी मन ल पुलिस ह गिरफ्तार करे हे। पकड़े गे जुआरी मन म शिक्षक, लिपिक, पटवारी अऊ नगर सैनिक शामिल हे। जुआरी मन करा ले सवा लाख रुपया के संग 52 पत्ती ल जब्त करे हे।

मिले जानकारी के मुताबिक (Gariaband) मुखबिर ले छुरा पुलिस ह सूचना मिलिस कि छुरा के आवासपारा म घर के बाहर ले जुआरी मन ल बुला के शिक्षक किरण खलखो ह अपन घर म जुआ खेलावत हे।

ए सूचना म (Gariaband) पुलिस अधीक्षक भोजराम पटेल के मार्गदर्शन, अतिरिक्त पुलिस अधीक्षक सुखनंदन राठौर के दिशा-निर्देश अऊ एसडीओपी गरियाबंद संजय ध्रुव के पर्यवेक्षण म थाना प्रभारी छुरा निरीक्षक राजेश जगत ह टीम बना के ग्राम आवासपारा पहुंच के शिक्षक किरण खलखो के घर ल चारो तरफ ले घेर के दबिश दिस। ए दौरान जुआ खेलत 6 जुआरी मन ल गिरफ्तार करे हे।