रायपुर। प्रदेश के सबो नागरिक मन ल गुनवत्तापूरन चिकित्सा सेवा आसानी ले मिल सकय। येकर बर मुख्यमंत्री डॉ. रमन सिंह के नेतृत्व म राज्य शासन ह चरनबद्ध ढंग ले नवा अस्पताल मन के निरमान के योजना बनाय गेहे। इही कड़ी म राज्य सरकार ह आम जनता ल अउ घलो जादा बेहतर चिकित्सा सुविधाएं दिलाय बर छह जगा म सारवजनिक-निजी सहभागिता (पीपीपी) मॉडल म सबो जरूरी सुविधा मन ले पूरा सउ-सउ बिस्तर मन के अस्पताल बनवाय के निरनय ले गिस हे, जिहां गंभीर बीमारी मन ले पीड़ित मरीज मन ल विसेसज्ञ डॉक्टर मन के सेवा मिलही।
स्वास्थ्य मंत्री अजय चंद्राकर ह अधिकारी मन ल ये अस्पताल मन के भवन मन के निरमान बर सबो तइयारी युद्धस्तर म सुनिस्चत करे के निरदेश देय हे। ये घलो निरनय लेय गिस हे के ये जगा म पहिली ले चलत सरकारी अस्पताल अउ सरकारी स्वास्थ्य केन्द्र पहिली जइसे चलत रहही अउ येमन म प्राथमिक स्तर के चिकित्सा सेवाएं मरीज मन ल मिलत रहही। पीपीपी मॉडल म नवा अस्पताल भवन मन के निरमान रायपुर, मठपुरैना (रायपुर), खुर्सीपार (भिलाई नगर), कुरूद (जिला-धमतरी), भाटापारा (जिला-बलौदाबाजार) अउ मनेन्द्रगढ़ (जिला-कोरिया) म करे जाही।
Related Posts
Nothing found!
It looks like nothing was found here!