Corona: देश में बीते एक दिन म कोरोना के सामने आय हे 60975 नवा मरीज, 848 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। बीते 24 घंटा म कोरोना के 60975 नवा मामला के पहचान होय हे। उहचे ए दौरान 848 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मन के संख्या ह 31 लाख 67 हजार 324 पहुंच गे हे। जेमा ले 7 लाख 4 हजार 348 एक्टिव मामला हे।

उहचे 24 लाख 4 हजार 585 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 58390 लोगन मन के जान चले गे हे।