Corona : छत्तीसगढ़ म सरलघा बाढ़त हे कोरोना संक्रमित, फेर मिले हे 62 नवा मरीज, सक्रिय मामले ह होइस 722
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म पिछले 24 घंटा म 62 नवा मरीज के पहचान होय हे।
इतवार के दोपहर म कोरोना के 44 नवा मरीज मिले रिहिस। ऊहचे वीआरडी लेब म जांच के बाद शाम के 18 नवा मरीज के पुष्ट होय हे।
एखर संग कोरोना (corona) के सक्रिय मामले की संख्या ह बाढ़ के 722 हो गे हे।
इतवार के राजनांदगांव जिला ले 25, बिलासपुर ले 8, कवर्धा अउ दुर्ग ले 7-7, गरियाबंद ले 6, रायपुर ले 5 अउ बलौदाबाजार ले चार नवा मरीज मिले हे।
एखर पहिले सनिच्चर के रात घलो 8 संक्रमित मरीज मन के पुष्टि होय रिहिस, जेमा राजनांदगांव ले 4, दुर्ग ले तीन अऊ बलौदाबाजार ले एक मरीज शामिल रिहिस। एखर पुष्टि ल राज्य कन्ट्रोल कमांड सेन्टर ह करे हे।
बता देन कि प्रदेश म कोरोना (corona) संक्रमित कुल मरीज मन के संख्या ह 2654 हो गे हे। जेमा ले सक्रिय मरीज मन के संख्या ह 722 हे।
ऊहचे 1937 मरीज मन ह स्वस्थ होय के बाद अपन घर लहुट चुके हे। ए वायरस ले अब तक 13 लोगन मन के मौत हो गे हे।
