Corona: छत्तीसगढ़ म एक दिन म होय हे कोरोना के 63 नवा मरीज के पहचान, 100 मरीज मन ह जीतिस कोरोना ले जंग

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म मंगलवार के कोरोना संक्रमित 63 नवा मरीज मन के पहचान होय हे। ऊहचे 100 मरीज मन ह कोरोना (corona) ल मात दे दे हे। जेखर बाद प्रदेश के अलग-अलग कोविड-19 अस्पताल ले ओ मन ल डिस्चार्ज कर दे गे हे।
आज कोरोना (corona) के जेन 63 नवा मरीज मिले हे, ओमा राजधानी रायपुर 49, सरगुजा अउ बलरामपुर ले 3-3, कोरबा अउ कांकेर ले 2-2, दुर्ग, राजनांदगांव, बलौदाबाजार अउ बेमेतरा ले एक-एक मरीज ह शामिल हे।
बता देन कि प्रदेश म कोरोना संक्रमित मरीज मन के संख्या ह 2858 हो गे हे। जबकि सक्रिय मामले ह 595 हे। ऊहचे 2250 मरीज मन ह स्वस्थ होय के बाद अपन घर लहुट चुके हे।