corona: देश म बीते 24 घंटा म सामने आय हे कोरोना के रिकॉर्ड 64 हजार ले जादा नवा मामला

जय जोहार…. देश म कोरोना (Corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म 64 हजार ले जादा नवा मामला ल दर्ज करे गे हे।
ए दौरान 861 लोगन मन के जान चले गे हे। उहचे 53 हजार ले जादा लोगन मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे।
केन्द्रीय स्वास्थ्य मंत्रालय ले जारी आंकड़ा के अनुसार देश म पहिली बार एक दिन म कोरोना (corona) के सबले जादा 64399 नए मरीज मिले हे।
एखर संग देश म कोरोना संक्रमण के कुल मामला ह बाढ़ के 21 लाख 53 हजार 11 हो गे हे।
देश म तीन दिन ले सरलघा कोरोना (corona) संक्रमण के 61 हजार ले जादा नवा मामला ह सामने आवत हे। शुक्रवार के 62538 अउ सनिच्चर के 61537 नवा मामला सामने आय हे।