corona: प्रदेश म पिछिले 24 घंटा म बाढ़ गे 645 नवा मरीज, रायपुर म घलो 203 पाजिटिव
जय जोहार…. (corona) प्रदेश म पिछिले 24 घंटा म कोरोना के 645 नवा मामला सामने आय हे। उहचे 428 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 7 संक्रमित के मौत हो गे हे।
पिछिले 24 घंटा म कोरोना (corona) के जेन नवा मरीज मिले हे, ओमा रायपुर ले 203, दुर्ग ले 154, बिलासपुर ले 50, सरगुजा ले 39, राजनांदगांव ले 33, जांजगीर-चांपा ले 21, महासमुंद ले 19, सूरजपुर ले 18, धमतरी ले 16, बलौदाबाजार अऊ रायगढ़ ले 13-13, कोरिया ले 12, बेमेतरा ले 11, कोरबा ले 9, जशपुर ले 7, बालोद ले 6 मरीज सामिल हे।
बता देन कि प्रदेश म कोरोना (corona) संक्रमण के मामला ह 3 लाख 17 हजार 974 हो गे हे। जेमा ले 4098 एक्टिव मामला हे। उहचे 3 लाख 09 हजार 979 मरीज मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3897 लोगन मन के मौत हो गे हे।
