corona: सरलघा बाढ़त हे कोरोना के रफ्तार, देश म बीते 24 घंटा म मिले हे 64 हजार ले जादा नवा मरीज

जय जोहार…. देश म कोरोना (corona) संक्रमण के मामला ह थमे के नाम नई लेवत हे।

देश म बीते 24 घंटा म कोरोना के 64 हजार ले जादा मामला दर्ज करे गे हे। ए दौरान 1007 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म पिछिले 24 घंटा म कोरोना (corona) के 64553 नए मामला मिले हे। एखर संग कोरोना संक्रमित मरीज मन के कुल संख्या ह 24 लाख 61 हजार 191 पहुंच गे हे।

जेमा ले 6 लाख 61 हजार 595 एक्टिव मामला हे। उहचे 17 लाख 51 हजार 556 लोगन मन ह कोरोना (corona) ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 48040 लोगन मन के मौत हो गे हे।