dhamtari जिला म मिलिस कोरोना के 65 नवा मामला, 110 मरीज मन होइस डिस्चार्ज

जय जोहार…. धमतरी (dhamtari) जिला म पिछिले 24 घंटा म कोरोना के 65 नवा मामला ल दर्ज कर करे गे हे। उहचे 110 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 2 मरीज मन के मौत हो गे हे।
जिला स्वास्थ्य समिति धमतरी (dhamtari) ले जारी आंकड़ा के मुताबिक सनिच्चर के धमतरी शहरी ले 33, गुजरा अऊ कुरुद ब्लाक ले 12-12, मगरलोड ब्लाक ले 7 अऊ नगरी ब्लाक ले 1 मरीज मिले हे।
बता दन कि ए जिला (dhamtari) म कोरोना संक्रमित मन के संख्या ह बाढ़ के 2687 पहुंच गे हे। जेमा ले 708 एक्टिव मामला हे। उहचे 1936 लोगन मन ह बने होय के बाद अपन घर लहुट चुके हे। ए वायरस ले जिला म अब तक 42 लोगन मन के मौत हो गे हे।