Corona: राजधानी म फेर कोरोना के 65 नवा मरीज मन के होइस पहचान, स्वास्थ्य विभाग ह करिन पुष्टि

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राजधानी रायपुर म इतवार के कोरोना के 65 नवा मरीज के पहचान होय हे। एखर पुष्टि ल स्वास्थ्य विभाग ह करे हे। आज पाय गे सब्बो मरीज मन ल अस्पताल म भर्ती करे के प्रक्रिया ह चलत हे।

जानकारी के अनुसार आज मिले कोरोना (corona) के नवा मरीज मन म राजधानी ले सटे तुलसी बाराडेरा म सीआरपीएफ के 32 जवान ह कोरोना पाजिटिव मिले हे। आरंग म आईटीबीपी के 8 जवान ह घलो संक्रमित पाय गे हे। एखर आलावा विदेश ले लहुटे छह मरीज अउ कोरोना (corona) संक्रमित के संपर्क म आय ले छह पाजिटिव मिले हे।