corona: प्रदेश म फेर कोरोना के मिले हे 65 नवा मरीज, रायपुर में घलो 13 संक्रमित

जय जोहरा। छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म बुधवार को कोरोना के 65 नवा मामले सामने आय हे।
आज जेन कोरोना (corona) के नवा मरीज मिले हे, ओमा ले रायपुर ले 13, जगदलपुर ले 12, नारायणपुर ले 10, राजनांदगांव ले 8, दुर्ग ले 5, दंतेवाड़ा ले 4, कोरबा ले 3, बेमेतरा, सरगुजा, कोरिया ले 2-2, बालोद, गरियाबंद, सुकमा अउ कांकेर ले एक-एक मरीज शामिल हे। आज मिले कोरोना के सब्बो मरीज मन ल अस्पताल म भर्ती के प्रक्रिया ह चलत हे।
बता देन कि प्रदेश म कोरोना (corona) के कुल मरीज मन के संख्या ह 3491 हो गे हे। जेमा ले सक्रिय मामले ह 642 पहुंच गे हे। ऊहचे 2835 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 14 लोगन मन के मौत हो गे हे।