जय जोहार… (corona) प्रदेस म आज कोरोना के 68 नवा मामला के पहिचान होय हे। उहें 224 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 1 मरीज के मउत हो गेहे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, राजनांदगांव ले 1, रायपुर ले 6, धमतरी ले 2, बलौदाबाजार ले 2, महासमुंद ले 2, गरियाबंद ले 2, बिलासपुर ले 3, रायगढ़ ले 1, कोरबा ले 8, जांजगीर-चांपा ले 3, मुंगेली ले 4, सरगुजा ले 3, सूरजपुर ले 1, बलरामपुर ले 2, जशपुर ले 6, बस्तर ले 4, कोंडागांव ले 5, दंतेवाड़ा ले 2, कांकेर ले 4, नारायणपुर ले 1, बीजापुर ले 2 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 814 हो गे हे, जेमा ले 1 हजार 138 एक्टिव मामला हे। उहें 9 लाख 89 हजार 128 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13548 मरीज के जान चले गे हे।
