dhamtari जिला के भखारा क्षेत्र म मिले हे कोरोना के 7 नवा मामला, पढो पूरा खबर

जय जोहार…. धमतरी (dhamtari) जिला म कोरोना संक्रमित मरीज मन के संख्या ह सरलघा बाढ़त जावत हे। ए जिला के भखारा क्षेत्र म सनिच्चर के कोरोना के 7 नवा मरीज के पहचान होय हे। एखर पुष्टि ल खंड चिकित्सा अधिकारी डॉ यूएस नवरत्न ह करे हे।
मिले जानकारी के मुताबिक (dhamtari) सामुदायिक स्वास्थ्य केंद्र भखारा म सनिच्चर के 24 लोगन मन ह कोरोना जांच कराईस। जेमा ले तीन लोगन मन के कोरोना जांच रिपोर्ट ह पाजिटिव आय हे।
एमा ग्राम कोलियारी, ग्राम सेमरा अऊ ग्राम भैंसबोड़ ले 1-1 मरीज शामिल हे। (dhamtari) अइसने ग्राम सेमरा म आरटीपीसीआर किट के माध्यम ले जांच लोगन मन के कोरोना जांच करे गिस, जेमा पांच लोगन मन के रिपोर्ट ह पाजिटिव आय हे।