corona: प्रदेश म कोरोना के 70 नवा मरीज के होइस पुष्टि, 130 मरीज मन ह होइस डिस्चार्ज

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। आज 70 कोरोना संक्रमित मरीज मन के पहचान होय हे। ऊहचे राज्य म 130 मरीज मन ह कोरोना (corona) ल मात दे दे हे। जे मन ल प्रदेश के अलग-अलग कोविड-19 अस्पताल ले छुट्‌टी दे दे गे हे।
आज कोरोना के जेन नवा मरीज मिले हे, ओमा जांजगीर-चांपा ले 18, सरगुजा ले 17, रायपुर ले 9, बलौदाबाजार ले 8, जशपुर ले 6, मुंगेली ले 4, राजनांदगांव ले 3, बिलासपुर ले 2, दुर्ग, कोरिया अऊ बलरामपुर ले एक-एक मरीज शामिल हे। आज मिले सब्बो मरीज मन के अस्पताल म भर्ती करे के प्रक्रिया ह चलत हे।
बता देन कि प्रदेश म कोरोना (corona) संक्रमित मरीज मन के कुल संख्या ह 2018 हो गे हे। जबकि एक्टिव मरीज मन के संख्या ह 703 हे।