Corona: देश म पिछिले 24 घंटा म सामने आय हे 70 हजार ले जादा नवा मरीज, पढो पूरा खबर

जय जोहार…. देश म कोरोना (corona) संक्रमित मन के संख्या ह सरलघहा बाढ़त जावत हे। देश म बीते 24 घंटा म कोरोना के 70 हजार ले जादा नवा मरीज के पहचान होय हे। जबकि इलाज के दौरान 776 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीत 24 घंटा म कोरोना (corona) के 70589 नवा मरीज मिले हे। एला मिला के देश म कोरोना संक्रमण के मामला ह 61 लाख 45 हजार 292 पहुंच गे हे।

जेमा ले 9 लाख 47 हजार 576 एक्टिव मामला हे। उहचे 51 लाख 01 हजार 398 लोगन मन ह कोरोना ((corona)) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 96318 लोगन मन के मौत हो गे हे।