corona के कहर, प्रदेश म आज मिले हे रिकॉर्ड 701 नवा मरीज, 8 लोगन मन के हो गे मौत
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। मंगलवार के अब तक के सबले जादा कोरोना के 701 नवा मरीज मिले हे।
उहचे 249 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि 8 लोगन मन के मौत हो गे हे।
आज जो कोरोना (corona) के नवा मरीज मिले हे,
ओमा ले रायपुर ले 205, दुर्ग ले 92, रायगढ़ ले 63, बस्तर अउ राजनांदगांव ले 48-48, बिलासपुर ले 44, बालोद ले 34, नारायणपुर ले 20, जशपुर ले 19, कांकेर ले 18, सुकमा ले 16, जांजगीर-चांपा ले 15, बीजापुर ले 12, सरगुजा ले 11, सूरजपुर ले 9, दंतेवाड़ा, कोरिया अउ गरियाबंद ले 4-4, कबीरधाम ले 3, बेमेतरा, बलौदाबाजार, महासमुंद, बलरामपुर अउ कोंडागांव ले 2-2, मुंगेली ले एक मरीज शामिल हे।
बता दें कि प्रदेश म कोरोना (corona) संक्रमित मन के संख्या ह बाढ़ के 16726 हो गे हे। जेमा ले 5721 एक्टिव मामला हे। उहचे 10847 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 148 लोगन मन के जान चले गे हे।
