corona : प्रदेश म फेर कोरोना के 71 नवा मरीज के होइस पहचान, 148 मरीज मन ह होइस डिस्चार्ज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म बुधवार के कोरोना के 71 नवा मरीज के पहचान होय हे।

एमा रायपुर जिला ले 25, जांजगीर-चांपा ले 10, बलौदाबाजार ले 8, रायगढ़ ले 5, बेमेतरा, कोरबा, गरियाबंद, महासमुंद ले 4-4, जशपुर ले 3, दुर्ग ले 2, राजनांदगांव अऊ मुंगेली ले एक-एक पाजिटिव मरीज मिले हे। आज पाय गे मरीज मन ल अस्पताल म भर्ती करे के प्रक्रिया ह चलत हे।

ऊहचे 148 कोरोना (corona) पीड़ित मरीज मन ह कोरोना ले जंग जीत गे हे। जे मन ल अलग-अलग अस्पताल ले डिस्चार्ज कर दे गे हे। छत्तीसगढ़ म अब तक कोरोना (corona) के कुल 113813 संभावित व्यक्ति मन के पहचान कर सैम्पल जांच ल करे गे हे।

अभी तक 1864 संक्रमित मरीज मन के पुष्टि होय हे। जेमा ल 1099 मरीज मन ह स्वस्थ हो के अपन घर लहुट चुके हे। ऊहचे सक्रिय मरीज मन के संख्या ह 756 हे।