Corona: छत्तीसगढ़ म फेर कोरोना के 72 नवा मरीज के होइस पुष्टि, 59 मरीज मन ह दिस कोरोना ल मात

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म आज फेर कोरोना के 72 नवा मरीज ह मिले हे। ऊहचे 59 मरीज मन ह कोरोना ल मात दे दे हे। जे मन ल अस्पताल ले डिस्चार्ज कर दे गे हे।
आज कोरोना (corona) के जेन 72 नवा मरीज मिले हे, ओमा रायपुर ले 17, बेमेतरा ले 12, जगदलपुर ले 10, बिलासपुर ले 9, बलरामपुर ले 7, जांजगीर चांपा ले 6, दंतेवाड़ा ले 4, सरगुजा ले 3, कोरबा, रायगढ़, मुंगेली, कांकेर अउ बालोद ले एक-एक मरीज शामिल हे।
बता देन कि प्रदेश म कोरोना (corona) के कुल संक्रमित मरीज मन के संख्या ह 3013 हो गे हे। जेमा ले सक्रिय मरीज मन के संख्या ह 637 हे। ऊहचे 2363 मरीज मन ह कोरोना ले जंग जीत गे हे अउ अस्पताल ले डिस्चार्ज हो के अपन घर लहुट चुके हे।