जय जोहार…. (Corona) प्रदेश म बीते 24 घंटा म कोरोना के 729 नवा मरीज मिले हे। उहचे 1039 मरीज मन ह करोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 10 मरीज के मौत हो गे हे।
प्रदेश म कोरोना (Corona) के जेन नवा मरीज के पहचान होय हे, ओमा रायपुर ले 121, दुर्ग ले 102, बिलासपुर ले 85, रायगढ़ ले 47, राजनांदगांव ले 46, महासमुंद ले 40, जांजगीर-चांपा ले 31, बालोद अऊ सूरजपुर ले 29-29, सरगुजा ले 28, बलौदाबाजार ले 27, जशपुर ले 22, धमतरी ले 21, कोरिया ले 20, कोरबा ले 17, गौरेला-पेंड्रा-मरवाही ले 12, बेमेतरा ले 11 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 90 हजार 813 हो गे हे, जेमा ले 8060 एक्टिव मामला हे। उहचे 2 लाख 79 हजार 236 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3517 लोगन मन के मौत हो गे हे।
