chhattisgarh के ए जिला म मिले हे कोरोना के 74 नवा मामला, पढो पूरा खबर

जय जोहार…. छत्तीसगढ़ (chhattisgarh) के गौरेला-पेंड्रा-मरवाही जिला म कोरोना संक्रमित मन के संख्या ह सरलघा बाढ़त जावत हे। ए जिला म कोरोना के 74 नवा मरीज के पहचान होय हे। एखर पुष्टि ल स्वास्थ्य विभाग ह करे हे।

मिले जानकारी के मुताबिक (chhattisgarh) ए जिला म आज जेन कोरोना के 74 नवा मरीज मिले हे, ओमा पेंड्रा म एक ही परिवार के 11 लोगन मन के कोरोना रिपोर्ट ह पाजिटिव आय हे। संक्रमित मरीज मन ह शहर के आलावा ग्राम जमड़ी के बताय जावत हे। एला मिला के ए जिला म संक्रमित मरीज मन के कुल संख्या ह बाढ़ के 258 पहुंच गे हे।

बता दन कि प्रदेश (chhattisgarh) म कोरोना संक्रमित मन के संख्या ह बाढ़ के 61763 पहुंच गे हे। जेमा ले 33246 एक्टिव मामला हे। उहचे 27180 मरीज मन ह बने होय के बाद अपन घर लहुट चुके हे। ए वायरस ले प्रदेश म अब तक 539 लोगन मन के मौत हो गे हे।