corona: धमतरी जिला म मिले हे कोरोना के 74 नवा मरीज, पढो पूरा खबर

जय जोहार…. धमतरी जिला म कोरोना (corona) संक्रमित मरीज मन के संख्या ह सरलघा बाढ़त जावत हे। आज जिला म कोरोना के 74 नवा मरीज के पहचान होए हे। उहचे दू मरीज ह बने होय के बाद अपन घर लहुट चुके हे।

जिला स्वास्थ्य समिति धमतरी के तरफ ले जारी सूची के अनुसार आज जेन (corona) नवा मरीज मिले हे, ओमा कुरुद ब्लाक ले 35, धमतरी शहर ले 18, नगरी ब्लाक ले 11, गुजरा ब्लाक ले 7 अऊ मगरलोड ब्लाक ले 3 मरीज शामिल हे।

बता दन कि धमतरी जिला म कोरोना (corona) संक्रमित मन के कुल संख्या ह बाढ़ के 979 पहुंच गे हे। जेमा ले 542 एक्टिव मामला हे। उहचे 420 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 17 लोगन मन के मौत हो गे हे।