Corona : ए जिला म होय हे कोरोना के 75 नवा मरीज के पहचान, 9 लोगन मन ह होइस डिस्चार्ज

जय जोहार…. बलौदाबाजार-भाटापारा जिला म कोरोना (Corona) के 75 नवा मरीज के पहचान होय हे। उहचे 9 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
मुख्य चिकिस्ता अऊ स्वास्थ्य अधिकारी डॉ खेमराज सोनवानी ह बतइस कि आज जेन कोरोना (Corona) के 75 नवा मरीज मिले हे, ओमा कसडोल विकासखंड ले 23, पलारी ले 13,बलौदाबाजार ले 11, भाटापारा अऊ बिलाईगढ़ ले 10-10, सिमगा विकासखण्ड ले 8 मरीज शामिल हे।
बता दन कि बलौदाबाजार-भाटापारा जिला म कोरोना (Corona) संक्रमित मरीज मन के संख्या ह बाढ़ के 1252 पहुंच गे हे। जेमा ले 510 एक्टिव मामला हे। उहचे 735 मरीज मन ह बने होय के बाद अपन घर लहुट चुके हे।