corona: सरलघा बाढ़त जावत हे कोरोना संक्रमण, देश म बीते 24 घंटा म फेर बाढ़ गे 75 हजार ले जादा नवा मरीज

जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। पिछिले 24 घंटा म कोरोना के रिकार्ड 75 हजार ले जादा नवा मामला दर्ज करे गे हे। ए दौरान 1023 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक बीते एक दिन म देश म कोरोना (corona) के 75760 नवा मामला मिले हे। एला मिला कोरोना संक्रमित मन के कुल संख्या ह 33 लाख ले जादा हो गे हे। जेमा ले 7 लाख 25 हजार 991 एक्टिव मामला हे।

उहचे 25 लाख 23 हजार 772 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 60472 लोगन मन के मौत हो गे हे।