corona: सरलघा बाढ़त जावत हे कोरोना संक्रमण, देश म बीते 24 घंटा म बाढ़ गे 76 हजार ले जादा नवा मरीज

जय जोहार…. देश म कोरोना (corona) संक्रमण के मामला ह सरलघा बाढ़त जावत हे। पिछिले 24 घंटा म कोरोना के 76 हजार ले जादा नवा मामला ह सामने आय हे।

उहचे 65050 मरीज मन ल बने होय के बाद अस्पताल ले छुट्टी दे दे गे हे। जबकि 1021 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 76472 नवा मामला मिले हे। एला मिला के कोरोना संक्रमित मन के कुल संख्या ह 34 लाख 63 हजार 973 पहुंच गे हे।

जेमा ले 7 लाख 52 हजार 424 एक्टिव मामला हे। उहचे 26 लाख 48 हजार 999 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 62550 लोगन मन के मौत हो गे हे।