Corona: धमतरी जिला म मिले हे कोरोना के 77 नवा मरीज, पढो पूरा खबर

जय जोहार…. धमतरी जिला म कोरोना (corona) संक्रमण के मामला ह सरलघा बाढ़त जावत हे। ए जिला म बीते 24 घंटा म कोरोना के 77 नवा मरीज के पहचान होय हे। जबकि इलाज के दौरान एक संक्रमित के मौत हो गे हे।

जिला में जेन कोरोना (corona) के नवा मरीज मिले हे, ओमा धमतरी शहर ले 34, कुरुद ब्लाक ले 30, गुजरा ले 8 अऊ मगरलोड ब्लाक ले 5 मरीज शामिल हे।

बता देन कि धमतरी जिला म कोरोना (corona) संक्रमित मन के संख्या ह बाढ़ के 1695 पहुंच गे हे। जेमा ले 907 एक्टिव मामला हे। उहचे 768 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला में 25 लोगन मन के मौत हो गे हे।