corona : प्रदेस म आज होय है कोरोना के 77 नवा मरीज के पहिचान, रईपुर म घलो 2 पॉजिटिव
जय जोहार… (corona) प्रदेस म आज कोरोना के 77 नवा मामला के पहिचान होय हे। उहें 163 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 4, बालोद ले 2, रईपुर ले 2, धमतरी ले 5, महासमुंद ले 1, गरियाबंद ले 3, बिलासपुर ले 4, रायगढ़ ले 5, कोरबा ले 4, जांजगीर-चांपा ले 6, मुंगेली ले 1, सरगुजा ले 1, कोरिया ले 2, बलरामपुर ले 1, जशपुर ले 8, बस्तर ले 11, कोंडागांव ले 3, दंतेवाड़ा ले 3, सुकमा ले 2, कांकेर ले 3, नारायणपुर ले 1, बीजापुर ले 5 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 614 हो गे हे, जेमा ले 1 हजार 423 एक्टिव मामला हे। उहें 9 लाख 88 हजार 646 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13545 मरीज के जान चले गे हे।
