Corona: राजधानी म फेर कोरोना के 77 नवा मामला, एक संक्रमित के हो गे मौत

जय जोहार…. राजधानी म कोरोना (corona) संक्रमित मरीज मन के संख्या ह सरलघा बाढ़त जावत हे।

राजधानी म आज कोरोना के 77 नवा मरीज मन के पहचान होय हे। उहचे इलाज के दौरान एक कोरोना संक्रमित मरीज के मौत हो गे हे।

स्वास्थ्य विभाग ले जानकारी के मुताबिक न्यू शांतिनगर, अवंति विहार, मंगलबाजार, आनंद नगर, दुर्गा नगर, सेजबहार, कचना, संजयनगर, भाठागांव, अभनपुर अउ उरला ले कोरोना के नवा मरीज मन ह मिले हे।

उहचे एक कोरोना (corona) संक्रमित मरीज के जान चले गे हे। मृतक ह इंद्रावती भवन के कर्मचारी रिहिस। ओखर अंबेडकर अस्पताल म इलाज चलत रिहिस। डॉक्टर मन ह ओला किडनी के मरीज बताय हे।

बता देन कि रायपुर जिला म अब कोरोना (corona) संक्रमित मरीज मन के कुल संख्या ह  1041 पहुंच गे हे।

जेमा ले एक्टिव मामले ह 631 हो गे हे। ऊहचे ए वायरस ले राजधानी म अब तक पांच लोगन मन के मौत हो गे हे।